Jak Roberto to Sanya Lopez: 'Happy birthday sa bida-bida kong kapatid'

Hindi pinalampas ni Jak Roberto ang pag-asar sa kanyang nakababatang kapatid na si Sanya Lopez lalo na't ipinagdiriwang nito ngayon ang kanyang 24th birthday.

Sa Instagram, bati ni Jak kay Sanya, “Happy birthday sa bida-bida kong kapatid!

“Wala tayong masyadong time magkita ngayon 'no? (Wala kang choice MECQ na naman, ako lang makikita mo).

“Congrats sa lahat ng achievements! At sa bago mong ____. Beke nemen oh. Dito lang ako sissy!”

Sa post, maraming fans ang bumati kay Sanya at sinabing inaakala nilang may kalokohang gagawin si Jak para sa kanyang kapatid.

Saad ng isang netizen, “Ay kuya Jak, akala ko ipaprank mo si Ate Sanya. Hahahah. Happy birthday po kay Ate!”

Habang ang isa naman ang nagsabi, “Happy birthday idol Sanya. God bless and stay safe po kayong magkapatid.”

Ilang fans ang bumati kay Sanya Lopez sa kanyang kaarawan / Source: jakroberto (IG)

Mapapanood ngayon si Sanya Lopez sa rerun ng hit Kapuso fantasy series na Encantadia mula Lunes hanggang Biyernes sa GMA-7.

Mapapanood rin ang aired episodes nito sa official website ng GMA at ng GMA app.